اسهل طريقة للحصول على اسنان ناصعة البياض والقضاء على رائحة الفم الكريهة

مرسلة بواسطة Lojy يوم الثلاثاء، 20 مارس 2012 2 التعليقات
ازاى تحصلى على اسنان ناصعة البياض وتقضى على رائحة الفم الكريهة


اولا لازم تكون الحاجات دى عندك فى البيت .. وانتى هتشتريها يمكن مرة واحدة فى الشهر يعنى مش هتكلفك كتير .. وفى حاجات هتبقى موجودة بالفعل فى بيتك بس ضرورى تواظبى عليها

بالنسبة لتبييض الاسنان .. تجيبى اى قماشة نضيفة عندك وتعصرى عليها ليمون وتدعكى بيه سنانك وتواظبى على الحركة دى كل يوم .. اوعدك انك هتلاقى سنانك ابيضت فى اقل من اسبوع

بالنسبة لتقوية اللثة وتعطير الفم .. اعملى غرغرة الملح والبيكنج بودر .. تجيبى 3 معالق بيكنج بودر و3معالق ملح .. تخلطى الملح مع البيكنج بودر كويس وتحطيهم فى ازازة مقفولة .. ويستخدم هذا الخليط كغسول للفم .. هتستخدميه ازاااااى ؟؟؟ تاخدى معلقة صغيرة من الخليط ده على نص كوباية مية دافية وتعملى بيه غرغرة .. استخدام الوصفة دى بشكل منتظم باذن الله هيقوى اللثة ويعطر الفم

بالنسبة لعلاج رائحة الفم الكريهة .. اولا حافظى على استخدام خيط الاسنان .. وده هتلاقيه فى اى صيدلية واسمه خيط اسنان .. كل يوم قبل ما تنامى تستخدميه بانك بتاخدى قطعة من الخيط ده وتمرريها بين اسنانك علشان تطلعى اى اكل محشور بين الاسنان .. وهتشوفى هيطلع اكل اد ايه .. الاكل ده لو نمتى بيه بيسبب رائحة سيئة جدا للفم.. اما لو داومتى انك تنضفى اسنانك يوميا بالخيط ده اتاكدى انه ان شاء الله مش هيبقى فيه رائحة فم كريهة .. وطبعا بعد ما تخلصى تغسلى سنانك بالفرشة والمعجون .. وياريت الفرشة والمعجون يبقوا بعد كل اكل .. ولو استخدمتى سواك كدة انتى سنانك هتبقى تحفة بجد


ياريت تجربى وتقوليلى رأيك 

2 التعليقات :

نجمة الورد يقول...

انت غبية الحاجة الوحيدة اللي راح تعطيك اسنان ناصعة البياض هو الفحم ادعكي بيه اسنانك كل يوم و راح تشوفي الفرق ههههه غبية

غير معرف يقول...

شكرًا

إرسال تعليق