وصفة ممتازة لاطالة الشعر وانبات الشعر من الجذور فى ستة اسابيع فقط
المكونات : الخلطة عبارة عن راس ثوم تقشريها وتجيبى مجموعة الزيوت دى (زيت املا - زيت جوز هند - زيت زيتون - زيت لوز - زيت خروع - زيت جرجير ) وهتاخدى معلقة كبيرة او اتنين من كل نوع زيت على حسب طول شعرك -ملحوظة : لو مش عندك الزيوت دى كلها ممكن تستخدمى نوعين بس ولكن المجموعة كلها هتكون افضل بكتير ومش ضرورى تشترى كميات كبيرة .. تقدرى تشتريها من عند العطار بالجرام عشان التكلفة
الطريقة : هتخلطى مجموعة الزيوت على النار وبعدين تحطى التوم على الخليط بعد ما تكونى فرمتيه كويس جدا لحد ما ياخد سخونة الزيت وتطفى عليه (خلى بالك لتعملى تقلية ههههههههه بهزر طبعا
هتاخدى الخليط وتحطيه على شعرك بالتوم اللى فيه طبعا وتلفى شعرك كويس بالبونيه او كيس بلاستيك وتسيبيه على شعرك لمدة 8 ساعات وبعد كدة تغسليه كويس جدا.
طبعا الوصفة دى هتعمليها يوم واحد فى الاسبوع لمدة 6 اسابيع يعنى تختارى يوم معين وتواظبى عليه طول ال 6 اسابيع.
فى اول مرة هتعملى فيها الخلطة هتلاحظى ان شعرك بيقع - ما تتخضيش طبعا عشان الشعر اللى هيقع ده هو الشعر الضعيف اللى وجوده طبعا ملوش اى لزمة - لكن بعد كدة طبعا التساقط هيقف - وطبعا احنا بنقول يوم محدد فى الاسبوع ويبقى هو نفس اليوم فى الاسابيع اللى بعدها (يعنى مثلا بدأتى العلاج يوم الجمعة يبقى تستمرى عليه 6 جمعات) لان التوم بيشتغل على البصيلات زى المضاد الحيوى وطبعا المضاد الحيوى لازن يتاخد فى وقت معين بالترتيب والا مفعوله يروح.
النتيجة ان شاااااااااااء الله مذهلة بس حذارى تستخدموا السيشوار خلال فترة العلاج .. ممنوع منعا باتاااا وشكرا
0 التعليقات :
إرسال تعليق