الاسباب الحقيقة لتكون قشرة الشعر وكيفية التخلص منها
طبعا قشرة الشعر مشكلة كبيرة اوى بيعانى منها اغلب الناس وعشان كدة لازم تعرفى ايه هى الاسباب الحقيقية لتكون القشرة فى شعرك عشان تتجنبيها
طبعا فى اعتقاد شائع ان جفاف فروة الراس سبب تكوين القشرة . لكن الاعتقاد ده خاطئ لان من اسباب تكون القشرة هو زيادة زيوت الشعر على فروة الراس ومعاها بتكتر انواع معينة من الخمائر واللى بتكون سبب رئيسى لتكون القشرة
كمان لازم تعرفى ان غسل الشعر بشكل مستمر بيقلل ظهور القشرة على الرغم من انه فى اقوال شائعة بتأكد ان غسل الشعر باستمرار بيضعف الشعر ولكن الامر مختلف تماما مع ظهور القشرة . لان الاقلال من غسل الشعر بيسبب تراكم الزيوت والخلايا الميتة على الفروة وده اكيييييد بيؤدى لظهور القشرة
عشان كدة بنصح اى واحدة عندها قشرة تستمر على غسيل شعرها واستخدام نوع كويس من شامبو ضد القشرة ويفضل انه يحتوى على الزنك او مادة الكيتوكونازول والسيلينيوم سلفيد . ولو خايفة من جفاف الشعر مع استمرار الغسيل تقدرى تستخدمى مرطب للشعر يكون ضد القشرة . وان شاء الله النتيجة تعجبك اووووى
0 التعليقات :
إرسال تعليق