وصفة ممتازة ومجربة لازالة الشعر الزائد نهائياااااااااا
الوصفة دى ممتازة جدا لازالة الشعر الزائد نهائيا بس طبعا هى مش هتجيب نتيجتها من اول او تانى مرة .. بس نقدر نقول انك هتلاحظى الفرق من تالت مرة ولما تستمرى عليها هتلاحظى فرق رهيييييييييب بعد سادس مرة مثلا .. بس لو بجد عايزة بشرتك تتخلص من الشعر الزائد يبقى لازم تستمرى عليها ومش هتبذلى اى مجهود زايد وانتى بتعمليها
المكونات: هتجيبى حوالى 100 جرام من نبات اسمه السعد او السعدى وتلاقيه عند اى عطار بس طبعا لازم تطحنيه كويس اوى .. تدقيه كويس وبعدين تطحنيه فى المطحنة المهم انه يبقى ناعم .. وبعدين تجيبى حوالى نص كوباية زيت زيتون تخلطيها كويس بالنبات ده .. بس حاولى يكون زيت الزيتون ده اصلى مش اى كلام ;) وبعدين تحطى الخليط ده على نار هادية خالص وتفضلى تقلبى لمدة خمس دقايق وبعدين تطفى عليه وتسيبيه لحد ما يبرد وتكونى مجهزة برطمان مثلا وبعد ما يبرد خالص تحطيه فيه وتقفلى البرطمان كويس اوى وكدة يبقى جاهز للاستخدام
طريقة الاستخدام: بعد ما تستخدمى السويت بالشكل العادى اللى بتعمليه كل مرة هتغسلى المكان كويس وتنشفيه وتجيبى الخليط بتاعنا وتحطيه فى المكان اللى عملتى بيه بالسويت وتسيبيه على المكان لمدة نص ساعة وبعدين تغسليه كويس ومن اول مرة استخدام هتلاحظى ان الشعر بينمو بشكل بطئ .. ومن تانى مرة هتلاحظى انه بدأ يخف .. وهكذا لحد ما توصلى ل 6 مرات مثلا وان شاء الله هيختفى تماما .. ولا جلسات ليزر ولا اى حاجة .. بس اعملى الوصفة دى وبس
0 التعليقات :
إرسال تعليق